SHIRIKISHO la Ngumi za Ridhaa Tanzania (BFT), limetangaza mabondia watakaounda timu ya Taifa kwa ajili ya michuano mbalimbali.

Katibu Mkuu wa BFT, Makore Mashaga amesema mjini Dar es Salaam kuwa timu hiyo itanolewa na kocha Mcuba, Hurtado akisaidiwa na wazawa Benjamin Mwangata, Makoye Isangula na Edward Emmanuel.

Amewataja mabondia hao na klabu zao katika mabano kuwa ni John Cristian (Kinondoni), Yahaya Maliki (Polisi), Dogo Mussa (Ilala) na Abdallah Kassim (Ngome).

Wengine ni Nassoro Ally (Pwani), Aidan Issa (Rufiji), Boniface Mlingwa (Ngome), Godfrey Timoth (Morogoro), Ismail Isack (Pwani), Omari Mrisho (Ngome), Wambura Amiry (Temeke) na Bosco Bakari (Mwanza).

Pia wapo Elius Nkome (Rukwa) na Iddy Pialali (Kinondoni), Victor Njaiti (Magereza), Godfrey James (Ngome), Mseven Gosper (Polisi), Mohamed Chimbulimbuli (Polisi), Method Choga (Pwani), Seleman Kidunda (Ngome), Abdallah Rashid (Kinondoni) na Juma Ally (Tabora).

Wengine ni Abdallah Shaban (Kinondoni), Juma Farahani (Tabora), Issa Kimanga (Ruvuma), Shaban Yusuph (Temeke), Amos Godwin (Magereza) na Maxmilian Patrick (JKT).