Follow us: Subscribe via RSS Feed Connect on YouTube Connect on YouTube
Maganga One Blog kwa habari za kitaifa,kimataifa,burudani na michezo kila siku. Tutumie habari na matukio yoyote kwa email yetu ya magangaone@gmail.com

Aug 14, 2016

Papa Francis awatembelea waliokua makahaba Roma

Papa Francis amewashangaza makahaba wa zamani 20 alipowatembelea katika ziara ya kushitukiza kwenye makazi yao yenye ulinzi mjini Roma.Mkuu huyo wa kanisa katoliki alizungumza na wanawake hao, ambao baadhi yao walisafirishwa kutoka Afrika na maeneo mengine ya Ulaya, kwa muda wa zaidi ya saa moja.
Wanawake hao waliokolewa kutoka kwenye madanguro walikokuwa wametekwa na mwanamume aliyekua akiwauza kama makahaba na sasa wamepewa makazi na ulinzi katika jengo la ghorofa linalomilikiwa na kanisa katoliki katika mji mkuu wa Italia.

Papa FrancisImage copyrightREUTERS
Image captionPapa Francis aliketi na kuzungumza na makahaba kutoka mataifa sita kwa zaidi ya saa moja

Papa mwenye umri wa miaka 79 amekua akirejelea mara kwa mara kwamba biashara ya kuwasafirisha binadamu "ni uhalifu dhidi ya binadamu".
Papa Francis aliketi na wanawake hao, wakiwemo wanaigeria saba, waromania sita na wanne kutoka Albania, na kusikiliza habari zao kuhusu namna walivyo lazimishwa ukahaba, ulisema utawala wa Vatican.
Wengine watatu katika kundi hilo wanatoka Italia, Tunisia na Ukraine.
Wote pamoja walikua na umri wa takriban miaka 30 na ''walinyanyaswa sana kimwili'' na sasa wanaishi chini ya ulinzi, umesema uongozi wa Vatican.
Kwa ahadi za ajira, wanaofanya biashara ya kuwasafirisha binadamu huwaleta wanawake Italia na nchi nyingine za Ulaya magharibi , lakini baadae huwalazimisha kuingia ukahaba.
Papa Francis aliwatia moyo makahaba hao wa zamani "kuwa thabiti" wakati wanapoanza maisha mapya kwa usaidizi wa kituo cha Papa Pope John XXIII.

Share this article :

0 Maoni:

 
Maganga One Blog © Copyright 2016. All Rights Reserved.

Powered by Maganga One.
Back to TOP