MKUU Mkoa wa Dar es Salaam, Said Meck Sadick, jana alikisifia kituo cha burudani cha Dar Live kilichoko Mbagala katika jiji la Dar es Salaam baada ya kuona mandhari na vifaa mbalimbali vya burudani vilivyo ndani yake.
Mkuu huyo alitoa sifa hizo baada ya kufanya mkutano na madiwani watendaji mbalimbali wa Manispa ya Temeke katika ukumbi huo ambao umejitokeza kuwa maarufu zaidi katika jiji hili.
Sadick na washiriki wa mkutano huo walipata fursa ya kutembezwa na kujionea vivutio mbalimbali vilivyo ndani ya kituo hicho ambapo walikimwagia kila aina ya sifa.(Na Issa Mnally wa Gpl)