Mrembo anayeshikilia Taji la Miss Kinondoni aliyeshiriki Miss Tanzania 2011/12, Stella Mbuge ameibuka na kauli nzito akidai kuwa amelimisi penzi la mchumba’ke, mchekeshaji Joseph Shamba ‘Vengu’ anayepata matibabu nchini India.
Kwa mujibu wa chanzo makini ambacho ni mtu wa karibu wa mrembo huyo, hakuna kitu anachokitamani kama kumuona Vengu kwa namna yoyote kwani anamkumbuka kupita maelezo.
“Unaambiwa kila siku anaomba Mungu litokee zali la kwenda India kumuona Vengu kwani anakumbuka enzi hizo jinsi walivyokuwa wakijiachia,” kilidai chanzo hicho.
Baada ya kuzitia kibindoni habari hizo, The Biggest IQ Paper, Ijumaa Wikienda lilimtafuta Stella ambaye ni muuza nyago kwenye video za wasanii wa Bongo Fleva ambapo mbali na kukiri alikuwa na haya ya kusema:
“Asikwambie mtu, naumia kwa kutokumuona mpenzi wangu, siyo penzi tu, nakosa vitu vingi kutoka kwake, namuomba Mungu arejee au niende India nikamuone.”
Vengu ambaye ni staa wa Kundi la Orijino Komedi, yuko nchini India katika Hospitali ya Appolo akitibiwa maradhi yanayoshambulia sehemu ya kichwani ambapo habari njema ni kwamba anaendelea vizuri.
0 Comments