Didier Drogba asaini mkataba wa miaka miwili na nusu klabu ya Shanghai Shenhua ya China

Didier Drogba ameziacha klabu mbalimbali na kubwa barani Ulaya na kuamua kusaini mkataba wa miaka miwili na nusu na klabu ya Shanghai Shenhua ya nchini China.

Drogba ambaye amemaliza mkataba na timu yake ya Chelsea mwishoni mwa msimu uliopita ataungana na aliyekuwa mshambuliaji wa Chelsea Nikolas Anelka na anatarajia kupokea mshahara wa kiasi cha paundi za Uingereza 200 000 kwa wiki.

Drogba alisema "Leo nathibitisha ya kuwa nimesaini mkataba wa miaka miwili na nusu na klabu ya China Shanghai Shenhua. Nitasafiri kuungana na wenzangu mwezi wa Julai.

"Nimetafakari ofa zote nilizopokewa katika wiki chache zilizopita, lakini Shanghai Shenhua ni ndio chaguo sahihi kwa wakati huu".