Stori: Imelda Mtema
BONGE la Bwana, Jacob Steven ‘JB’ ameweka plain kuwa mwigizaji anayeongoza kwa kuuvaa uhusika katika sinema za Bongo ni Irene Paul ambaye anakamata namba moja katika Top Five ya mastaa wa kike anaowakubali.Akizungumza na paparazi wetu jijini Dar juzi, JB alisema mtu anapofanya kazi nzuri ni lazima umpongeze na hakuna sababu ya kumbania hivyo, kutokana na kiwango alichonacho Irene Paul, hakuna staa wa kike yeyote nchini aliyekifikia.
“Unajua nini? Mtu anapofanya kitu kizuri lazima ukipongeze na mimi nampongeza sana Irene amekuwa akijitahidi katika kucheza filamu kwa kiwango cha juu mno, namkubali  kwa kweli,” alisema na kuongeza:
“Hakuna kitu kizuri kama kupongezana wenyewe kwa wenyewe, hiyo itamjenga mtu na kumfanya azidi kusonga mbele siku hadi siku na jambo zuri zaidi ni kusaidiana.”  Licha ya Irene Paul wasanii wake wengine anaowakubali ni Irene Uwoya, Riyama Ally, Aunt Ezekiel na Wema Sepetu.