AUNT EZEKIEL AANGUKA KWA PRESHA, ALAZWA

Stori: Gladyness Mallya na Hamida Hasan
STAA wa filamu za Kibongo, Aunt Ezekiel amejikuta katika wakati mgumu baada ya kuanguka ghafla kwa presha akiwa ‘location’ jijini Tanga, Risasi Jumamosi lina habari hii.

Staa wa filamu za Kibongo, Aunt Ezekiel.

Kwa mujibu wa chanzo, Aunt  akiwa katika harakati za kuigiza filamu anayocheza na Amri Athuman ‘Mzee Majuto’, ghafla alianguka na kukimbizwa katika Hospitali ya Gesha jijini humo.Baada ya kuzipata habari hizi, mapaparazi wetu walimtafuta Aunt kwa njia ya simu  na alipopatikana alikiri kuanguka kutokana na kusumbuliwa na presha ya kushuka.

 “Kweli  nilikuwa shutting na Mzee Majuto, ghafla nilianguka na kukimbizwa hospitali, wameniwekea dripu mkononi ila namshukuru Mungu, naendelea vizuri,” alisema Aunt.