vanessaVanessa Mdee ‘Vee Money’.
DIVA wa Bongo anayetikisa anga la Afrika Mashariki kwa sasa, hasa baada ya kuachia ngoma yake ya Niroge hivi karibuni, Vanessa Mdee ‘Vee Money’ amevujisha sababu inayomfanya atengeneze ngoma zake nyingi kwa prodyuza machachari, Nahreel.

Vee ameeleza kuwa ameng’ang’ana zaidi kwa Nahreel kutokana na mambo mengi ya kujifunza anayoyapata mbali na kumtengezea muziki mzuri anaoamini utampeleka mbali zaidi ya alipo kwa sasa lakini amekuwa akijifunza mambo mengi kila siku.
NahreelProdyuza machachari, Nahreel.
“Kiukweli ninapokuwa kwa Nahreel najifunza vitu vingi sana kwa sababu yeye ana uzoefu kwenye muziki kwa hiyo nikiwa natengeneza muziki, album au hata project nyingine huwa najifunza vingi kutoka kwake, hata katika mambo ya maisha ya kawaida tu huwa nafaidika pia kupitia yeye.
“Mbali na kufanya naye muziki kwa ajili ya kufika mbali lakini pia ni rafiki yangu mara kwa mara ananishauri mambo mengi,” alisema Vanessa.