Follow us: Subscribe via RSS Feed Connect on YouTube Connect on YouTube
Maganga One Blog kwa habari za kitaifa,kimataifa,burudani na michezo kila siku. Tutumie habari na matukio yoyote kwa email yetu ya magangaone@gmail.com

Jan 3, 2017

Waasi watishia kutoshiriki mazungumzo ya amani Syria

Makundi kadhaa ya waasi nchini Syria yamesema kuwa yamesimamisha mashauriano ya kupanga mkutano wa amani unaoandaliwa na Urusi na Uturuki kufanywa katika nchi ya Kazakhstan mwezi huu, yakilaumu Serikali kwa kuvunja mapatano ya kusitisha mapigano kwa siku nne.

Waasi hao wanasema walikuwa wameheshimu mapatano hayo lakini wanajeshi wa serikali ya Syria na washirika wao wa Irani wamekiuka mwafaka huo mara kadhaa.
Waasi hao wanasema maeneo yaliyoshambuliwa bila kujali ni kama vile Ghouta na Wadi Barada, maeneo hayo yote yakiwa karibu na Damascus.
Waasi hao wanashikilia Wadi Baradi, ambalo ni eneo muhimu sana kwa maji yanayowashughulikia wakaazi wa Damascus.
Waasi wamelaumu Serikali kwa kuyachafua maji kwa kutumia dizeli.

Share this article :

0 Maoni:

 
Maganga One Blog © Copyright 2016. All Rights Reserved.

Powered by Maganga One.
Back to TOP