Zaidi ya 300 wajeruhiwa wakati wa kura ya uhuru Catalonia

Maafisa huko Catalalonia wanasema kuwa watu 337 wamejeruhiwa kwenye ghasia wakati polisi wanajaribu kuzuia kura ya maoni ya uhuru wa Catalonia

Haki miliki ya pichaREUTERS

Image captionZaidi ya 300 wajeruhiwa wakati wa kura ya uhuru Catalonia

Serikali ya Uhispania imeahidi kuzuia kura hiyo ambayo imetangazwa kuwa isiyo halali na mahakama ya katiba ya nchi hiyo.

• Polisi watibua jaribio la pili la shambulio Uhispania

Maafisa wa polisi wanawazuia watu kupiga kura huku wakichukua makaratasi ya kupigia kura na masanduku kutoka kwa vituo vya kupigia kura.

Haki miliki ya pichaGETTY IMAGES

Image captionUpigaji kura wa uhuru wa Catalonia waanza licha ya vizuizi vya polisi

Maafisa wa serikali ya Catalonia wametabiri idadi kubwa ya watu kujitokeza.

• Dereva aliyewagonga na kuwaua watu 13 Barcelona asakwa na polisi

Makatasi ya kipigia kura yana swali moja tu: "Unataka Catalonia kuwa taifa huru na jamhuri?" Kuna masanduku mawili ya ndio na hapana.

Image captionUpigaji kura wa uhuru wa Catalonia waanza licha ya vizuizi vya polisi

Katika mji wa Girona polisi wa kuzima ghasia waliingi katika vituo vya kupigia kura kwa nguvu ambapo kiongozi wa eneo hilo alitarajiwa kupigia kura yake.

• Washambuliaji wa Barcelona walipanga kutumia mitungi 120 kwenye mashambulizi

Picha za televisheni ziliwaonyesha wakivunja vioo vya kuingia kituo hicho na kuwaondoa kwa nguvu wale waliojaribu kupiga kura.

Haki miliki ya pichaAFP/GETTY

Image captionUpigaji kura wa uhuru wa Catalonia waanza licha ya vizuizi vya polisi

Hata hivyo shirika la habari la Reuters lilisema kuwa Bw Puigdemont alifanikiwa kupiga kura yake.

Wakati huo huo kwenye mji mkuu wa eneo hilo, Barcelona polisi walifyatua risasi za mipira kwa wale wanaounga mkono hatua ya kujitenga.