Korea Kaskazini wanataka kufanya mazungumzo na Marekani

Korea Kaskazini ina nia ya kufanya mazungumzo na Marekani, kwa mujibu wa Korea Kusini.

Tangazo hilo limekuja baada ya Jenerali Kim Yong-Chol kukutana na rais wa Korea Kusini Moon Jae-in, kabla ya sherehe za kufungwa kwa mashindano ya olimpiki wa msimu wa baridi.

• Marekani yaiwekea Korea Kaskazini vikwazo 'vizito' zaidi
• Mkuu wa majeshi ya Korea Kaskazini azuru Korea Kusini

Binti ya rais wa Marekani Donald Trump Ivanka pia alihudhuria sherehe hizo, lakini maafisa wa Marekani wamekana kufanya mkutano na ujunbe kutoka Korea Kaskazini.

Haki miliki ya pichaAFP/GETTY IMAGES

Image captionWaandamanaji wa Korea Kusini waliandamana kupinga ziara ya Kim Yong-Chol

Marekani inasema Korea Kaskazini ilijiondoa kutoka kwa mkutano na Makamu wa Rais Mike Pence wakati wa sherehe za ufunguzi.

Eneo la rasi ya Korea limegawanyika tangu vita vya mwaka 1950 hadi 1953 na pande hizi mbili hazijawai weka sahihi mkataba wa amani.

• Korea Kaskazini ilivyoufuta mkutano wa Mike Pence

Uhusiano baina ya Korea Kaskazini na Kusini umeonekama kama njama ya Korea kuvuruga ukaribu kati ya Korea Kusini na Marekani.

Haki miliki ya pichaPOOL

Image captionMarekani inasema Korea Kaskazini ilijiondoa kutoka kwa mkutano na Makamu wa Rais Mike Pence wakati wa sherehe za ufunguzi

Hata hivyo wataalamu wanaonya kuwa yanayofanaika sasa hayamalizi kikomo misukosuko ya kieneo hasa kufuatia majaribio ya nyuklia na ya makombora yanayofanywa na Korea Kaskazini.

Siku ya Ijumaa Marekani ilitangaza awamu mpya ya vikwazo dhidi ya korea Kaskazini.