Watu 28 wamepoteza maisha usiku wa kuamkia leo baada ya basi la abiria kugongana uso kwa uso na gari la mizigo aina ya Scania na kuwaka moto.

Kwa mujibu wa taarifa iliyotolewa na Kaimu Kamanda wa Jeshi la Zimamoto na Uokoaji Mkoa wa Morogoro, Joseph Mwasabeja, ajali hiyo imetokea usiku wa kuamikia Ijumaa, Oktoba 9,2026 eneo la Mkambarani,mkoani Morogoro, mashariki mwa Tanzania.

Basi lilikuwa likitoka Dar es Salaam kuelekea mkoani Mbeya na Lori lilikua limepakia miti.

''Ajali hiyo imetokea baada ya lori aina ya Scania kugongana na basi hili na kusababisha vifo na majeruhi na uharibifu wa magari, chanzo ni dereva wa lori kuyapita magari mengine bila kuchukua tahadhari eneo lisiloruhusiwa.'' Alisema ACP Kantimbo

Majeruhi wanatibiwa katika hospitali ya Rufaa ya Morogoro.

Katika ajali nyingine iliyotokea eneo la Mvomero, watu wanne, wakiwemo akari polisi watatu, wamefariki dunia baada ya gari la polisi kugongana na lori.