East Africa Television na Radio zimejitokeza kudhamini mashindano ya kumtafuta Kimwana Manywele wa Twanga Pepeta katika onyesho lililopangwa kufanyika Juni 3 jijini Dar es Salaam.
Msimu mpya wa mashindano hayo yaliyoanza kufanyika mwaka 2006, ulizinduliwa rasmi wiki hii kwa ajili ya kumsaka kimwana wa 2011.(Pichani bidada Maimatha wa Jesse);
Akizungumza  Mkurugenzi wa Manywele Beauty and Cosmetics, Maimatha Jesse, alisema nusu fainali ya mashindano hayo imepangwa kufanyika Mei 27 katika ukumbi wa Sun Ciro uliopo Sinza jijini Dar es Salaam kwa ajili ya kupata vimwana watakaoshiriki fainali.
Maimatha alisema mazoezi kwa ajili ya kupata washiriki yataanza Aprili 19 katika ukumbi wa ASET Club chini ya walimu Mohamed Kassim na Lilian Internet.
Alifafanua zaidi ya kuwa Mei 6 wanatarajia kuwatambulisha rasmi vimwana waliojitokeza kwa ajili ya kushiriki kinyang'anyiro hicho, ambapo watasindikizwa na burudani kutoka bendi ya African Stars 'Twanga Pepeta' katika ukumbi wa Sun Ciro.
Aliongeza kuwa mshindi wa kwanza katika fainali hizo atapata zawadi ya duka la vipodozi lenye thamani ya Sh. Milioni 5, ambalo limwshalipiwa kodi ya pango kwa mwaka mzima.
Alisema pia mbali na East Africa Television na Radio kujitokeza kudhamini shindano hilo, aliwaomba wadhamini wengine wajitokeze kudhamini.