Waziri Mkuu wa Uingereza

Rais Jacob Zuma wa Afrika Kusini amesema kuingilia kijeshi mzozo wa Libya sio utaratibu ufaao wa kutatua mzozo wa nchi hiyo.

Akizungumza katika mkutano wa waandishi wa habari mjini Pretoria akiandamana na Waziri Mkuu wa Uingereza David Cameron, Bw. Zuma amesema hatma ya Kanali Gaddafi inafaa kuamuliwa kwa kufanya majadiliano.


Waziri Mkuu Cameron amesema kuwa kuna tofauti kati ya viongozi wa Afrika na shirika la kujihami la Nato juu ya operesheni za kijeshi zinazoendelea nchini Libya.

Cameron yuko Johannesburg katika mwanzo wa ziara yake ya kuimarisha ushusiano wa kibiashara kati ya Uingereza na Afrika.

Waziri mkuu Cameron amesema kuwa NATO na viongozi wa Afrika wote wana lengo moja ambalo ni kumtaka kanali Gaddafi ang'atuke mamlakani.