Na Mwandishi Maalum, New York

Wakati wajumbe wanaoshiriki mkutano wa tathmini kuhusu Mkakati wa Umoja wa Mataifa  dhidi ya ugaidi wakilaani matukio ya kigaidi yanayotekea katika nchi mbalimbali, baadhi ya wajumbe hao wametaka matukio hayo yasihusishwe na madhehebu ya dini iwayo yoyete ile. 

Mkutano huo wa siku mbili umemalizika siku ya Ijumaa hapa Makao Makuu ya Umoja wa Mataifa na Ujumbe wa Jamhuri ya Muungano wa Tanzania uliongozwa na Naibu Waziri wa Mambo ya Ndani Mhe. Pereira Silima ( Mb). 

Wakati wote wa majadiliano kuhusu mkakati huo uliopitishwa, huku kila muwakilishi wa nchi inayoshiriki mkutano huu alipopewa fursa ya kuzungumza, hakusitia kuzungumza au kulaani mwendelezo wa matukio ya kigaidi na hususani yaliyotokea hivi karibuni.
 Naibu Waziri  wa Mambo ya Ndani  Mhe.Pereira Silima (Mb) akiwa na ujumbe wake muda mfupi  kabla ya  kuchangia majadiliano  ya Baraza Kuu la Umoja wa Mataifa  kuhusu Mkakati wa kuudhibiti Ugaidi.
Mhe. Naibu Waziri Silima akilizungumza   Baraza Kuu la Umoja wa Mataifa kuhusu  mkakati wa kuukabili ugaidi, katika mchango wake Waziri alisisitiza ushirikiano wa kimataifa katika kuukabili ugaidi  hasa kutokana na ukubwa wa mtandao wake. Aidha alielezea  Tanzania  kutoridhishwa na namna tatizo la usambaaji na matumizi holela ya silaha  ndogo na nyepesi  lilivyoshughulikiwa katika rasmu ya tamko la  mkutano huo. 
Sehemu ya  wajumbe  wakiwa ndani ya ukumbi wa  mikutano wa Baraza Kuu la Umoja wa Mataifa, wakati wa majadiliano  ya tathmini kuhusu Mkakati wa Umoja wa Mataifa wa Kuudhibiti  Ugaidi. Mkutano  huo wa siku mbili umemalizika jana  Ijumaa