Follow us: Subscribe via RSS Feed Connect on YouTube Connect on YouTube
Maganga One Blog kwa habari za kitaifa,kimataifa,burudani na michezo kila siku. Tutumie habari na matukio yoyote kwa email yetu ya magangaone@gmail.com

Sep 19, 2016

Maandamano dhidi ya rais Kabila: Watu 17 wafariki DRC

Takriban watu 17 wamefariki nchini Jamhuri ya Kidemokrasia ya Congo kufuatia maandamano yanayomtaka rais Joseph Kabila kujiuzulu.
Watatu kati yao walikuwa maafisa wa polisi ambao mmoja wao alichomwa akiwa hai kulingana na waziri wa maswala ya ndani Evariste Boshab.

Waandamanaji waliweka vizuizi na kuchoma magari katika mojawapo ya barabara kuu mjini Kinshasa.
Maafisa wa polisi walirusha vitoa machozi kuwatawanya waandamanaji .
Mmoja ya mashahidi amesema kuwa maafisa wa polisi waliwafyatulia risasi waandamanaji.
Miili ya watu waliofariki ilionekana ikiwa imetapakaa katika barabara baada ya maandamano kuisha.
Tume ya uchaguzi nchini humo ilitarajiwa kutangaza siku ya uchaguzi unaotarajiwa mwezi Novemba siku ya Jumatatu,lakini amsema kuwa haiwezekana kufanyika wakati huo.
Upinzani unasema kuwa bwana Kabila anajaribu kuchelewesha uchaguzi ili kusalia madarakani kupita kipindi cha muhula wake wa pili unaokamilika mwezi Disemba.

Share this article :

0 Maoni:

 
Maganga One Blog © Copyright 2016. All Rights Reserved.

Powered by Maganga One.
Back to TOP