Follow us: Subscribe via RSS Feed Connect on YouTube Connect on YouTube
Maganga One Blog kwa habari za kitaifa,kimataifa,burudani na michezo kila siku. Tutumie habari na matukio yoyote kwa email yetu ya magangaone@gmail.com

Nov 29, 2016

Ndege iliyobeba wachezaji wa timu ya soka ya Brazil yaanguka Colombia

Ndege iliyobeba watu 81, wakiwemo wachezaji wa klabu moja ya soka ya Brazil, imeanguka eneo la Medellin nchini Colombia.
Maafisa wanasema watu sita wamenusurika.
Ndege hiyo inadaiwa kupata hitilafu za mfumo wake wa umeme.
Ndege hiyo ilikuwa safariki kutoka Bolivia na ilikuwa imewabeba wachezaji wa timu ya Chapecoense, ambao walikuwa wamepangiwa kucheza mechi ya fainali ya Copa Sudamericana, dhidi ya timu ya Medellin, Atletico Nacional.
Mechi ya awamu ya kwanza ya kombe hilo, la pili kwa umuhimu Amerika Kusini, ilikuwa imepangiwa kuchezwa Jumatano lakini sasa imesitishwa.
Timu hito inayotoka mji wa Chapeco, kusini mwa Brazil, ilipandishwa kucheza ligi ya daraja ya kwanza nchini Brazil mwaka 2014 na ilifika fainali ya kombe hilo la Sudamericana kwa kulaza San Lorenzo ya Argentina.
Taarifa zinasema ndege hiyo muundo wa British Aerospace 146 ambayo imekuwa ikitumiwa na shirika la ndege la Lamia la Bolivia ilikuwa na abiria 72 na wahudumu tisa.

Timu hiyo ilipangiwa kucheza mechi ya awamu ya kwanza ya fainali ya Copa SudamericanaImage copyrightAFP
Image captionTimu hiyo ilipangiwa kucheza mechi ya awamu ya kwanza ya fainali ya Copa Sudamericana

Ilianguka eneo la milimani nje kidogo mwa mji wa Medellin majira ya saa sita usiku saa za huko (saa mbili asubuhi Afrika Mashariki).
Kwa mujibu wa taarifa kutoka kwa maafisa wa uwanja wa ndege, marubani walisema ndege hiyo ilikuwa imepata matatizo katika mfumo wake wa umeme.

Map locator

Meya wa Medellin Mayor Federico Gutierrez amesema ajali hiyo ni "janga kubwa".
Maafisa wa uwanja wa ndege wa Jose Maria Cordova de Rionegro uliopo Medellin, wamesema juhudi zote zinafanywa kuwaokoa manusura.
Hali mbaya ya hewa inazuia maafisa kufikia eneo la mkasa kwa urahisi.
Hakukutokea moto baada ya ndege hiyo kuanguka, jambo ambalo linaibua matumaini ya kupatikana kwa manusura.

Eneo la ajaliImage copyrightMI ORIENTE
Image captionMaafisa wa uokoaji wanaweza tu kufika eneo la ajali kwa barabara


Klabu ya Chapecoense
  • Ilianzishwa 1973.
  • Ikapandishwa kucheza ligi ya daraja ya kwanza Brazilian, Serie A, mara ya kwanza 2014. Imo nambari tisa ligini kwa sasa.
  • Walikuwa wanaelekea kucheza fainali ya Copa Sudamericana, mshindi hufuzu kucheza Copa Libertadores, shindano kubwa la klabu Amerika Kusini.
  • Jiji lao la nyumbani ni Chapeco katika jimbo la Santa Catarina, Brazil

Share this article :

0 Maoni:

 
Maganga One Blog © Copyright 2016. All Rights Reserved.

Powered by Maganga One.
Back to TOP