Mataifa sita ya Kiarabu, zikiwemo Saudi Arabia, Misri, Bahrain, Umoja wa Milki za Kiarabu na Yemen, yamekata uhusiano wao wa kidiplomasia na Qatar yakiilaumu kwa kuvuruga uthabiti katika eneo hilo.
Nchi hizo zimeilaumu Qatar kwa kuunga mkono makundi ya kigaidi, likiwemo kundi la Islamic State (IS).
Shirika moja nchini Saudi Arabia linasema kuwa taifa hilo limefunga mipaka yake na kusitisha usafiri wa ardhini, baharini na angani.
Lilinukuu maafisa wa Saudia wakisema kuwa hatua hiyo ni ya kulinda usalama wa nchi kutokana na hatari za ugaidi na itikadi kali.
Kile ambacho kwa wiki kadhaa kimekuwa kikichochea mzozo baina ya mataifa ya Ghuba sasa kimelipuka kuwa mzozo kamili wa kidiplomasia.
Katika tangazo la pamoja, Saudi Arabia ilikuwa ya kwanza kusema kuwa inavunja mahusiano yake ya Qatar mapema Jumatatu , mara moja ikafuatiwa na Bahrain, Muungano wa Milki za kiarabu Misri na Yemen.
Hatua za kwanza za mzozo huu zilionekana kujitokeza mwezi Mei wakati Qatar iliposema shirika lake rasmi la habari lilidukuliwa pamoja na kauli ambayo haikuwa sahihi iliyosemekana kutolewa na mtawala wake, iliyoonekana kwenye mtandao ikisifu kundi la wanawamgambo wa Iran na Lebanon la Hezbollah.
Taifa la Qatar
Mji Mkuu: Doha
2.7 milioni Idadi ya watu
11,437 sq km Ukubwa wa eneo
Kiarabu Lugha
Kiislamu Dini
78.5 Umri wa watu kuishi
Riyal Sarafu
Getty Images
Misri nayo imefunga anga zake na bandari kwa Qatar, kwa mujibu wa wizara ya mashauri ya nchi kigeni.,
Milki ya nchi za kiarabu imewapa wanadiplomasia wa Qatar saa 48 kuondoka nchini humo.
Haki miliki ya pichaEPAImage captionRais wa Marekani Donald Trump alikutana na Rais wa Misri Abdel Fattah al-Sisi (kushoto) na Mfalme Salman wa Saudi Arabia nchini Saudia wiki mbili zilizopita
Abu Dhabi inaishutumu Qatar kwa kufadhili ugaidi na itikadi kali.
Shirila la taifa la habari nchini Bahrain nalo limesema kuwa nchi hiyo inataka uhusiano na Qatar kwa kuvuruga usalama wake na kuingilia ndani masuala yake ya ndani.
0 Comments