Marekani yawawekea vikwazo wataalamu wa makombora Korea Kaskazini

Marekani imewawekea vikwazo maafisa wawili wa Korea Kaskazini ambao inasema kuwa wamechangia kuundwa makombora ya nchi hiyo.

Wizara ya fedha nchini Marekani iliwataja Kim Jong-sik na Ri Pyong-chol na kusema kwua wote walikuwa viongozi wakuu katika mpango wa makombora ya masafa marefu wa Korea Kaskazini.

• Korea Kaskazini inaweza kutungua ndege za abiria?
• Trump: Japan itayatungua makombora ya Korea Kaskazini

Baraza la ulianzi la Umoja wa Mataifa liliiwekea vikwazo vipya Korea Kaskazini siku ya Ijumaa kujibu majaribio yake ya makombora ya masafa marefu.

Korea Kaskazini ilisema kwa hatua hiyo ni kama ya vita.

Haki miliki ya pichaKCNA/REUTERS

Image captionRi Pyong-chol amepigwa picha akicheka na Kim Jong-un

Vikwazo hivyo vipya vya Marekani vitazuia shughuli zozote za wanaume hao wawili zinazofanywa nchini Marekani, na hata kutwaliwa kwa mali yao yaliyo nchini Marekani.

Wanaume hao wawili wanaonekana mara kwa mara wakiwa na kiongozi wa Korea Kaskazini Kim Jong-un wakiwa maeneo ya kuyafanyia majaribio makombora.

• Mtambo wa kuzuia makombora waanza kazi Korea

Mwaka huu nchi hiyo imefanya majaribio kadha ya makombora tofauti ambayo nasema kuwa yanaweza kufika nchini Marekani.

Image captionMajaribio ya makombora ya Korea Kaskazini